周文儉牙醫 熱門

新補牙第二天就脱了。第二天叫他補番。他竟然屈我説我玩爛了。發神經。怎玩呀?醫生態度囂張卸責。同土皇帝無分别。醫術差到無朋友。當病人是儍仔。

我知自己有3隻蛀牙，因為一直無痛，所以一直都無理
但近排左下面隻蛀牙（大牙），飲凍野時會痺痛，食野又成日攝左落個蛀牙窿到，自己都知道應該蛀得好深，有哂心理準備要杜牙根

因為新搬到藍田居住，唔知邊個牙醫好，見到匯景商場個水牌有埋佢個電話number就打去問下價（x-ray $100，補牙$450，杜牙根$3300-4500），覺得價錢合理所以就book黎試下

book左19:30，大約20:15入去，一入去，擘大個口，佢見我左右兩面都有蛀牙，就話要照x-ray睇睇個情況，就由得佢照啦。照完，佢話三隻都蛀得好深，都要剝或者要杜牙根，聽完我都打左個突，因為我其餘兩隻蛀牙根本唔痛，連佢搵野撩我敲我我都唔痛，點解咁都要剝？當時，我淨係想搞掂左下面隻大牙，我同佢講我想整左下呢隻先，咁佢就話可以幫我車開睇下補唔補到，如果補唔到就要剝左佢或者杜牙根

佢車開左之後，話蛀得太深救唔到，要剝或者杜牙根。我問醫生我應該點做好，問佢有無乜野建議，佢竟然答：「我俾唔到建議你架！」我聽到佢咁答，我真係好嬲！咁你做乜野醫生呀！醫生唔係應該建議最好嘅治療方法俾病人咩？

我28歲女，如果有得留，我緊係想留返隻牙啦！咁我咪話我想杜牙根lor，但佢又話佢做唔到，因為我蛀牙隔離有隻智慧齒，佢話要轉介我去專科先做到，要萬幾蚊！（個價仲未計剝智慧齒）咁如果我要整，即係要2萬蚊先搞得掂！佢見我面有難色，問我會唔會考慮剝，佢話可以幫我剝，收$3000，但因為我想留住隻牙，我就話幫我封臨時牙粉，叫我考慮清楚再返黎搵佢

封完牙粉後，佢叫我一齊睇下張x-ray，話我隻大牙牙腳已經朦糊，一定要剝左佢。張x-ray係一開始嘅時候影嘅，但點解佢唔一開始就同我講丫，明知救唔到就唔好車開我隻牙啦！本身我隻牙係飲凍野時先會痺痛，但俾佢車開左之後，飲室溫水會痛，連瞓覺都痛，係超級痛呀！

我同自己講就算我要剝或者要杜牙根，我都一定唔會搵返佢！
不知所謂！毫無醫德！

埋單：
x-ray $300（3張），出面照成排牙（180度）都係收$500，佢只係by section咁影咋！
臨時牙粉 $280
有俾藥
Total 收我 $850

隔左兩日我去左睇第二個牙醫，剝左左下隻大牙，只係收我 $1300，醫生話我其餘果兩隻都可以補，唔洗剝架！

呢個周文儉，我肯定佢只係想收錢，絕對無為病人著想！

平時一向好怕睇牙醫既我,今次真係唔到我唔睇,成口牙齒都係咖啡漬同茶漬,成日比屋企人話我d牙好污糟....於是今次就拎個膽出黎,去洗一洗,順便檢查吓有無蛀牙...好彩,經過周醫生好細心咁幫我檢查,只有2隻牙需要補,咁洗牙同補牙一次整埋佢,費事再約!!周醫生幫我洗完牙補完牙後,仲好有耐性咁講解返正確既刷牙,原來刷左咁多年都刷錯左......由今日開始要自己好好咁刷返好自己d牙,如果唔係再蛀牙就慘啦!!
經過周醫生幫我洗完牙之後,我開始對睇牙醫有返少少信心啦!!多謝你呀周醫生!!

手術技術差到無朋友，補牙全失敗，道牙根差，補牙卻變成牙痛要脱掉。推缷責任屈病人，態度惡劣。永不再幫襯。

雖然我記得自己好難已經冇去洗牙,,但真係唔記得有幾耐冇洗,,但竟然既係周牙醫仲記得,,,我吾知佢係見我之前睇過record定點都好,,,係佢幫我洗完牙之後,,,佢同我講,,,"拿,,就冇蛀牙,,"

然後我話:"哇咁好,,我以前細個牙科保健次次都係害羞果個樣架喎~(即係有蛀牙先會害羞)仲要年年都有一隻"佢就話:"不過你D牙石就真係好多,,,要半年到洗一次啦,,你咁耐冇洗,,係辛苦少少架,,畢竟你都有4年冇山洗牙啦,,"我一聽到佢咁講..覺得好warm,,,雖然應該都係睇record架啦,,,唔通真係咁好記性咩,,,但係就真係好touch,,,覺得個周牙醫人真係好好,,同埋好似真係關心我咁,,,之後我仲問左佢好多cool牙既問題,,雖然都知我唔係即刻cool只係問下...但佢好耐心答我...唔會fu顯!真係一個好好既牙醫...!!!所以一見到開命啦可以留言比周牙醫,,,我一定唔可以放過呢個咁好既機會,,,點都好,,,好多謝你,,,周文儉牙醫