會員登入

用Facebook登入
來Facebook找開命啦!Openlife吧!!

開命書消息

 

上線會員

觀看所有會員
現在有:
9838個訪客在線
54個會員在線
已選取0

蘇民峰師父 蘇民峰師父

蘇民峰師父相片

蘇民峰師父

師父基本資料

公司
-
姓名
蘇民峰
入行年期
1986年
師父性別
語言
廣東話
地址
全部服務需要於蘇民峰風水網站預約
電話
(852) -
傳真
(852) -
手提
(852) -

師父詳細資料

服務時間
-
舉辦課堂
yes
服務及價目
網上改名服務---$1800-3500

陽宅風水:住宅,工商用地,廠房貨倉---每呎$10起
每日起步金(本地$5500起,國外$200000起)

八字全相---$5,000
流年命相---$2,500
小兒起名---$5,000
擇日開刀產子---$5,000
服務收費
$2500起
師父背景
  蘇民峰,原名蘇民立,(1960年11月22日—)是香港風水師,香港兩大風水師之一。入行從事風水這一行之前,他從事髮型師,之後經常在電視節目講解風水、命理,並接受傳媒訪問。他在1983年開始以業餘性質為客人分析風水、命理。1986年正式開班,教授面相、掌相及八字命理。1987年蘇民峰獨自前往西藏旅遊半年。曾到西藏之佛教聖地「神山」、「聖湖」及深入西藏各處作實地體驗,對日後人生之看法實跨進一大步。回港後開設多間店鋪(石頭店)售賣西藏密教法器及日常用品於有緣人士,又於店內以半職業形式為各界人土觀看風水命理。1988年夏,獲聘往歐洲多國,包括瑞典、挪威、丹麥及西班牙勘察風水。

  回港後又受聘往加拿大等地勘察。同年接受《繽紛雜誌》訪問。1989年再到美國、加拿大、新加坡、日本、台灣等地。同年接受《城市周刊》訪問。1990年將蘇派風水授予三名入室弟子。夏冬二次前往美加勘察,更多次前往台灣,又接受台灣之《翡翠雜誌》、《生活報》等多本雜誌訪問。1991年推出《現代賴布衣手記之風水入門》錄影帶。1992年正式開班教授蘇派風水。1994年首次前往南半球之澳洲勘察風水,並發現南半球計算八字方法與北半球不同。1995年再度發行風水入門緣影帶。1999年推出首部作品《蘇民峰觀相知人》。其後推出過多部風水命理著作。2000年成立網站。此外蘇民峰亦間中客串作電影演出,如《行運超人》。

  2006年,蘇民峰與香港有線電視合作,舉辦玄學比賽,勝出者可成為蘇民峰入室弟子。被選中的學生與蘇民峰及吳文忻一起於有線電視娛樂台的《「峰」生水起精讀班》(風水篇)亮相。在第一輪課程完成,所有弟子習得基本的風水方法之後;之後的第二階段進階課程,由各弟子輪流前往家庭觀眾的住宅看風水,並由蘇民峰在錄影廠評論。據蘇民峰自己所說,這一系列的節目除了希望可以透過節目教會家庭觀眾基本的風水知識外,亦希望透過讓弟子親身實習,而讓他們有實戰的經驗。2007年夏,蘇民峰再度與有線電視合作,與整容後的吳文忻及新的一班弟子主持《「峰」生水起精讀班》(面相篇)。(註:原本香港電台風水節目已經同有線節目合併,並移至週末播出。)

  11月10日,由蘇民峰與女友楊佳佳及有線電視主持黃翠如主持的旅遊節目《40日峰狂嘆世界》播映。2008年,他首次演出電視劇。

Picture

亞視晚晚播《射鵰英雄傳》,上星期,我最喜愛的桃花島主黃藥師出場了!
黃藥師武功高強,琴棋書畫、奇門術數無一不精,連生個女黃蓉都聰明過人,別人稱他「東邪」,是由於他反對迂腐傳統,離經叛道。
在風水界享負盛名的蘇民峰亦自比東邪:「我同佢一樣,都係咁高傲。」

論風水術數,蘇民峰絕對有資格做東邪,講到「高傲」(即「寸」),相信更難搵到第二個風水師與他匹敵。
「我9697年已經發明『寒熱命』理論,出埋書,教晒所有人,但係始終有啲人就係唔肯接受,成日話以前啲嘢最好。人係進步吖嘛,啲嘢梗係愈嚟愈好架啦!與其話佢哋個腦僵硬,不如話佢哋蠢,冇得救!」
「有啲睇相師傅,我廿年前喺廟街擺檔見到佢,到今時今日我咁多人識,佢都重喺度擺檔,我行過佢重嗌我幫襯,你話呢啲人係咪冇用?完全唔進步,同社會脫節……連我都唔識,係咪脫節先?」蘇民峰自覺與東邪一樣聰明,不會被傳統約束,勇於批評傳統風水學說,另闢蹊徑。
蘇民峰18歲離家出走,中四輟學,做過跟車、碼頭苦力、工廠雜工、茄喱啡、洗頭仔,捱盡鹹苦;今日年賺300萬,一次過付款500萬買的別墅又快將入伙,開完法拉利,又打算買部至少值300萬的開篷Bentley,白手興家,他絕對「高傲」得起。

Picture

:蘇民峰的辦公桌以前是清朝大夫(醫生)診症時用,由同一塊木所造,有晒出世紙,可以拎去當古董拍賣。他覺得做風水師就如做醫生一樣:「醫生用藥救人,我就用風水。」

一生任我行


蘇民峰位於佐敦的辦公室,內裏都是明式家具,他坐在一張古董木桌後,記者甫坐下,發覺自己突然矮了下去。
「係咪風水局嚟?」我問。
「梗唔係啦,你估樣樣都講風水咩,其實做我哋呢行反而最唔講風水,因為好多嘢已經命中註定咗……」
但坐在那張「矮椅」上,我始終覺得自己低人一等,再配合四周的古式陳設,蘇民峰高高在上,像個皇帝,我就變成庶民。
「係呀,我由細到大乜都係話事,乜都惡晒,係做領導的,永遠唔聽人講,只有聽自己話!」蘇民峰說得理直氣壯。
「以前我上美術堂要畫龍船,個個同學都係打橫畫一隻船,我就畫埋上下都有船,係立體的。個腦擺出嚟唔同,天生係唔正常的腦。」蘇民峰自言,由細到大都不甘做一個平凡人:「我最鍾意着黑白色衫,但兩、三年前曾流行黑白配搭,通街都着黑白衫,我咪改着七彩衫囉,我最唔鍾意同人哋一樣!」
蘇民峰十幾歲時便同自己講:「我30歲一定要有錢,冇錢我就會自殺!」結果踏正30歲他便賺取了第一個100萬,至今已年賺300萬。「有傳媒介紹的確令我多咗生意,不過其實喺傳媒報道之前,我已經喺行內好出名。」原來蘇民峰83年入行,到90年已經成為風水界的「幕後大老細」!

Picture

:蘇民峰自認貪玩,曾多次參與做茄喱啡,拍過許冠傑的電影扮病人,近年又客串過《嫁個有錢人》和《行運超人》。

武功高強


「我算命好快,5分鐘我就可以知道你的一生。其他風水師接到生意,就攞嚟俾我幫手算命,我做咗佢哋的『幕後大老細』,成為算命批發,我可以邊睇電視、聽收音機,邊算命,一個月批100200個。當時我不斷練習,除咗令我速度快之餘,重多咗好多實際例子俾我接觸,我發明『寒熱命』理論,就係因為喺批命過程中發現到好多喺八字上有關連的現象。」
訪問途中,電話不時響起,都是客人或傳媒問他風水問題。蘇民峰是行內罕有為客人提供一年免費售後服務,表面看似蝕底,但其實得着的又是他。「我進步的主要原因係不斷為你哋解決問題!客人所提的問題永遠千變萬化,我諗辦法解決的同時,自己亦可以學到、啓發到好多嘢。好似我97年發明咗個『生仔局』,係因為有個潮州人個老婆冇仔生,你知潮州人冇仔生幾大鑊架啦,醫生又話冇問題,於是搵我求救,我就諗咗個催生仔的風水局俾佢試,結果生咗孖胎,第二個客試過又得,再不斷修改,跟住就發明呢個生仔局。」生仔局與傳統風水不同之處,是既簡單,又人人可用。
92
97年最多藝人找蘇民峰算命,最經典是93年,王菲的經理人將王菲的八字給蘇民峰算命,蘇在不知道八字屬誰人的情況下,準確批出王菲99年會結婚,然後又很快離婚,自此有「王菲御用風水師」之稱。蘇名氣大增,找他算命都要排期,02年高峰期更要排9個月!

命犯天煞孤星

42歲的蘇民峰曾為自己批命,結果是「冇朋友,冇親人」,十足十《中華英雄》內華英雄般命犯天煞孤星,無伴終老,孤獨一生。
事實上,一講到家人,蘇民峰即說:「冇架!」
父母對他來說,沒有特殊意義,就連農曆新年也沒回家吃飯。「我30歲前都未返過屋企,佢哋又唔會搵我,當生少個囉。依家咪俾啲錢,得閒食下飯,盡下責任囉,唔算係親情。」
蘇民峰原名蘇民立,幼時家住九龍城寨,父母做批發生意,他每朝早便坐第一班巴士送到街邊大排檔、食肆。他的四個哥哥和三個姊姊讀書成績都不好,蘇民峰亦只有中文和數學成績特別標青。「我中學讀德仁,英文最差,連問題都睇唔明,結果讀到中四留班就決定唔讀,17歲出嚟搵嘢做。」當時大他10年的二哥開表廠,全家人都要幫手打工,但蘇民峰卻唔肯幫手。「我都話我的性格係要話事,點可能幫你喺工廠打工?屋企見我唔幫手咪反面囉,跟住我咪搬咗出嚟自己住囉,家人對我冇晒期望!總之逢係講親童年我都係唔開心啦。」難怪蘇民峰與女朋友Lilian拍了12年拖也不結婚生仔了。
亦因為蘇民峰愛話事的性格,令他的朋友一個一個地離開。「我18歲開始冇朋友,以前啲同學都冇個friend,我的性格係要做領導,邊有男人頂得順?佢哋一group人咁排擠我,習慣晒啦!」蘇民峰說幸好他一生有女人運,一直都有美相伴,雖然不能代替友誼,但亦足解寂寥。他說自己5580歲會行尾運,至少重有30年玩,若冇朋友又冇女,一定悶死。

Picture

:蘇民峰一向不儲蓄,前年便一擲500萬,買下深井一層4,000呎村屋。他說:「我一年搵300萬(跟手在抽屜拿了張稅單出來),俾我使240萬,我使錢好快,不過係我搵錢速度重快啫。」

成功=黃蓉+郭靖
蘇民峰聰明像黃蓉,卻有郭靖般的勤奮,他表示成功的要訣,就是要勤力和專心。他為了學好風水,十年來就只看風水書,由《麻衣》、《柳莊》至現代命理全不放過。
「當年我離家出走,完全冇生活費,我四個阿哥出外工作十年八年,竟然連一毫子都冇俾我!」為了生活,蘇民峰做過跟車、碼頭苦力、工廠雜工、茄喱啡,十分捱得。
蘇民峰的另一優點,就是勇於嘗試,爭取機會。「80年我學整頭髮,我睇報紙見『NewWorldHotel』髮廊請人,當時呢高級髮廊全部係鬼佬,我係旺角出身,着住件『夢特嬌』T恤,英文又唔識,人哋15歲做學徒,我已經19歲,但係都夠膽推門入去見工,唔識填張英文form,就叫個reception小姐幫我填,結果第二朝撞間髮廊發生罷工,我咪有得開工囉,重有機會日日學好啲英文添。如果我唔夠膽推嗰度門,咪連工都冇得做囉。」

要做天下第一

蘇民峰第一日做洗頭就立志要做師傅!「當時啲鬼佬髮廊每個禮拜會有一日modelnight,咁啱我個師傅好好人,願意教我,我咪學足五日,人哋搵model淨係識搵朋友,所以好難搵,我就夠膽周圍搵人做model,日日去樓下間『美味滋快餐店』搵啲廚師、收銀俾我剪頭髮,結果我用咗11個月就升做師傅。」
蘇民峰做了6年髮型師,由於當時做髮型的大師全由鬼佬壟斷,他覺得毫無前景,索性轉行,跟朋友合作入口龍蝦,結果蝕了十幾萬元,後來去了西藏流浪半年,回港後開了「石頭店」售賣西藏飾物,賺了點錢。由於他自小已隨祖父學風水,於是便嘗試在店內幫人睇相,後來生意好,便做全職相士至今。
88年做理髮師嗰陣,已跟我的風水啓蒙老師吳晚軒先生到廟街擺檔睇相,除咗賺錢,最大目的係去實習。以前學風水,每日收工就坐火車去上水師傅屋企學嘢,夜晚十一點四十分坐尾班車返屋企,都好辛苦架!人係不斷進步的,唔通一世踎喺廟街咩?」
「就算我算自己條命唔準,明日瓜得,我都冇咩遺憾。」蘇民峰說。「我有幾百個學生,啲嘢已經唔會失傳,推出咁多新方法,其實都係想抬高呢行的水準,批命準啲,就唔會俾人話係神棍。」

後記:《阿甘正傳》

湯漢斯主演的《阿甘正傳》有一句經典對白:「人生就像一盒朱古力,你未試過便不知甜還是苦。」
蘇民峰早已為自己的人生占卜,預料到45歲要退休,又計劃好將來要多做善事。人生的朱古力未嘗已經知道是甚麼味,豈不是變得毫無驚喜?
蘇民峰答:「即使係食過朱古力你都會再買第二次,但都係咁味,唔通會變咗味咩?我依家年年去兩次米蘭買衫,你去過米蘭就知嗰度其實嚟嚟去去係得嗰兩條街行;下個月我又去布吉戇戇居居曬太陽,對我嚟講,人生就係為咗享受過程。」

撰文、編輯:周文

攝影:張峻

圖片:《壹本便利》

出處:《壹本便利》第602期「邊個夠我英」

網友評論

1 位網友的平均評分。

提提您:會員登入後才可看到即時留言的喔!
非會員也可看到留言,不過並非即時的,請注意喔!
若要選寫評論,請先登入或註冊成為會員,歡迎您!
整體評分 
 
8.0
準確性 
 
9.0  (1)
可信性 
 
9.0  (1)
服務態度 
 
7.0  (1)
價錢合理 
 
7.0  (1)
 
蘇民峰師父 2014-05-04 23:47:00 happyfactory01 8.00000000 10 1
整體評分 
 
8.0
準確性 
 
9.0
可信性 
 
9.0
服務態度 
 
7.0
價錢合理 
 
7.0
happyfactory01 評論員: happyfactory01    2014年5月04日
查看我的所有評論

fans

我係蘇民峰師父嘅fans來架(不過就無追隨佢),
之前佢係b記做個兩個節目順峰順水,食得峰騷我都有睇,覺得佢個人幾風趣,
有時講手相個d都好準,但搵佢睇風水就真係未試過,我估佢應該係好忙好難約個種,

該評論對您有價值嗎? 
01